Ağdam, 12 dekabr (AzərTAc). Dekabrın 12-də xalqımızın böyük oğlu Heydər Əliyevin əziz xatirəsi Ağdam rayonunda dərin ehtiramla yad edilmişdir.

Ağdamlılar Quzanlı qəsəbəsindəki Heydər Əliyev xatirə kompleksinə gələrək dahi şəxsiyyətin ruhuna dualar oxumuş, onunla bağlı xatirələrini bölüşmüşlər.

Rayon rəhbərliyi, hüquq mühafizə orqanlarının əməkdaşları, ictimaiyyətin nümayəndələri ümummilli liderin abidəsini ziyarət edərək, önünə gül-çiçək düzmüş, xatirəsinə ehtiramlarını bildirmişlər.

Mərasim iştirakçıları sonra Heydər Əliyev muzeyinə gələrək, ulu öndərin zəngin həyatını və siyasi fəaliyyətini əks etdirən eksponatlarla tanış olmuş, sənədli filmə baxmışlar.