Aprelin 6-da Azərbaycan Respublikasının Baş naziri Artur Rasizadə Amerika Birləşmiş Ştatlarının ölkəmizdə yeni təyin olunmuş səfiri Mətyu Brayzə ilə onun xahişilə görüşmüşdür.
Nazirlər Kabinetinin mətbuat xidmətindən bildirmişlər ki, görüşə görə Baş nazirə minnətdarlıq edən Mətyu Brayzə Azərbaycana səfir təyin olunmasından şərəf duyduğunu, Amerika hökumətinin ölkələrimiz arasında əlaqələrə və tərəfdaşlığa böyük önəm verdiyini vurğulamışdır.
Görüşdə Azərbaycanla ABŞ arasında ikitərəfli əlaqələrin perspektivləri, qarşılıqlı əməkdaşlığın daha da intensivləşdirilməsi, Ermənistan-Azərbaycan, Dağlıq Qarabağ münaqişəsinin həlli yolları barədə müzakirələr olmuş, bir sıra digər məsələlər ətrafında fikir mübadiləsi aparılmışdır.

AzərTAc