Azərbaycanın Xorvatiyadakı səfiri Kamil Xasiyev etimadnaməsini Xorvatiya Prezidenti İvo Yosipoviçə təqdim etmişdir.
Səfirlikdən AzərTAc-a bildirmişlər ki, mərasimdən sonra keçirilmiş görüşdə Azərbaycan ilə Xorvatiya arasında ikitərəfli münasibətlərin hazırkı vəziyyəti və əməkdaşlığın inkişaf perspektivləri müzakirə olunmuşdur.
Diplomat Xorvatiya Prezidentinə ölkəmizdə və regionda gedən proseslər, Ermənistan-Azərbaycan, Dağlıq Qarabağ münaqişəsi və onun bölgə üçün yaratdığı təhlükə, Azərbaycanın regionda və dünyada artan nüfuzu və beynəlxalq təşkilatlar çərçivəsində fəaliyyəti barədə ətraflı məlumat vermişdir.
K.Xasiyev Azərbaycan ilə Xorvatiya arasında münasibətlərin bundan sonra da inkişaf edəcəyinə əminliyini ifadə etmişdir.
Prezident İvo Yosipoviç ölkələrimiz arasında əlaqələrin xalqlarımızın rifahına xidmət etdiyini və bundan sonra da yüksələn xətlə inkişaf edəcəyinə ümidvar olduğunu bildirmişdir.