"Təəssüflər olsun ki, bəzi müxalifət partiyaları və dairələri bu gün Azərbaycan dövlətinin, millətinin maraqlarına dair məsələlərdə nəinki dialoqa hazır olmadıqlarını nümayiş etdirir, əksinə pozucu mövqedən çıxış edirlər".
Bu sözləri Azərbaycan Prezidenti Administrasiyası ictimai-siyasi məsələlər şöbəsinin müdiri Əli Həsənov martın 17-də jurnalistlərə müsahibəsində demişdir.
Müxalifətin son zamanlar radikal davranışlarına münasibət bildirən şöbə müdiri vurğulamışdır ki, biz müxalifətlə daim təmasda oluruq, daim onlarla bu və ya digər məsələlərin müzakirəsinə hazır olduğumuzu bəyan edirik. Dəfələrlə olub ki, ümummilli əhəmiyyət kəsb edən, Azərbaycan dövlətinin maraqlarına toxunan məsələlərin həlli ilə bağlı müzakirələrdə biz müxalifətlə bir araya gəlmişik. Biz bundan sonra da buna hazırıq.

AzərTAc