Koreya Respublikasının iqtidarda olan Böyük Millət Partiyası - "Hannara"nın dəvəti ilə bu ölkədə səfərdə olan Yeni Azərbaycan Partiyasının sədr müavini-icra katibi Əli Əhmədov aprelin 28-də Koreya Milli Assambleyasının sədri Kim Hyonq-o ilə görüşmüşdür. Azərbaycanın Koreyadakı səfirliyindən bildirmişlər ki, görüşdə bir çox sahələr üzrə ikitərəfli əməkdaşlıq münasibətləri, həmçinin iki ölkə parlamentləri arasında əlaqələrin inkişafı məsələləri müzakirə olunmuşdur.
Əli Əhmədov Koreya Respublikası Milli Assambleyasında "Hannara"nın deputat heyətinin sədri Ahn Sanq Soo ilə görüşmüş, YAP və Böyük Millət Partiyası "Hannara" arasında əməkdaşlıq münasibətlərinə dair fikir mübadiləsi aparmışdır. Sonda YAP ilə "Hannara" arasında əməkdaşlığa dair Anlaşma Memorandumu imzalanmışdır.
Əli Əhmədov Koreya-Azərbaycan parlamentlərarası əlaqələr üzrə işçi qrupunun sədri Suh Byonq-su və işçi qrupun digər üzvləri ilə də görüşmüşdür.{nl}

AzərTAc