“Elektron hökumət” bülleteninin  avqust buraxılışında “Elektron hökumət” portalındakı (e-gov.az) e-xidmətlərin Azərbaycan Nazirlər Kabinetinin 24 noyabr 2011-ci il tarixli 191 nömrəli qərarı ilə təsdiq edilmiş siyahı ilə növbəti müqayisəli təhlili aparılıb.

Nazirlikdən aldığımız məlumatda deyilir ki, bu siyahıda digər dövlət qurumları ilə yanaşı, Rabitə və Yüksək Texnologiyalar Nazirliyinin (RYTN) də 16 xidmətini görmək olar.

RYTN-in təsdiq olunmuş 16 elektron xidmətindən hər biri  “Elektron hökumət” portalında yerləşdirilib.

Ümumilikdə Rabitə və Yüksək Texnologiyalar Nazirliyinin 35 elektron xidməti portal üzərindən istifadə olunur.

RYTN-in rəsmi internet səhifəsində (mincom.gov.az) isə 26 elektron xidmət istifadədədir. Nazirliyin Nazirlər Kabinetinin 24 noyabr 2011-ci il tarixli 191 nömrəli qərarı ilə təsdiq edilmiş siyahısında olan 16  xidməti saytda yerləşdirilən 26 xidmət sırasında yer alır.

Samirə ƏLİYEVA,
“Xalq qəzeti”