Qazaxıstanın cənubunda yerləşən Kültəpə şəhərciyində tədqiqat işləri aparan arxeoloqlar köçəri döyüşçünün dəfn olunduğu qəbir aşkarlayıblar. Qədim hərbçinin yanında qılınc da var. Mütəxəssislərin fikrincə, qalıqları tapılan həmin insanın təxminən 2 min yaşı var. Bu barədə yerli "KTK" telekanalı məlumat yayıb.
Arxeoloqlar bildiriblər ki, köçəri döyüşçü eramızdan əvvəl II əsrdən bizim eranın IV əsrinədək mövcud olmuş qədim Kanqyuy dövləti dövründə basdırılıb. Bu isə tapıntını daha da qiymətli edir. Belə ki, hərbçinin məzarı həmin dövr üçün xarakterik olmayan dəfn mərasimini əks etdirir.
Köçəri döyüşçünün basdırılma mərasimi digərlərindən onunla seçilir ki, o, həmin dövr üçün ənənəvi olan katakombada yox, adi qəbirdə dəfn edilib. Başqa bir fərqləndirici cəhət isə odur ki, onun yanında ox, soğan və ya nizə qoyulmayıb. Burada həmçinin köçərilərin birgə basdırıldığı at qoşqusu da yoxdur.
Arxeoloqlar döyüşçü ilə yanaşı, qadınla uşağın, həmçinin bir cütlüyün də məzarını tapıblar.

Samirə QULİYEVA