“Ədalətli seçkilər uğrunda” təşkilatından olan beynəlxalq müşahidəçi, İsraildən olan vəkil Yakob Qriqori APA-ya müsahibəsində Azərbaycanda seçkinin yaxşı təşkil olunduğunu, səsvermə prosesinin şəffaf və ədalətli keçirildiyini, heç bir pozuntu hallarının müşahidə olunmadığını bildirib. Yakob Qriqori: "Bizim olduğumuz məntəqələrdə hər şey yaxşı təşkil edilib. Hər məntəqədə seçici siyahılarının olması, yerli müşahidəçilərin səsvermənin gedişini izləməsinə şərait yaradılması xoşumuza gəldi. Ümumən vəziyyət normaldır və biz hər hansı qanun pozuntusu qeydə almadıq. Adları seçici siyahılarında olmayan seçicilərin adları xüsusi siyahıya salınır və sonradan MSK tərəfindən təsdiqlənir. Beləliklə, onlar öz səsvermə hüququndan istifadə edə bilirlər".

İbrahim Nizamioğlu, "Xalq qəzeti"