Rusiya prezidenti Vladimir Putin vaxtilə “Əmək Qəhrəmanı” adını almış şəxslərə bürünc büst qoyulması ilə bağlı fərman verib. Bu barədə Rusiya KİV-ləri prezidentin saytına istinadən məlumat yayıb.

Məlumata əsasən, əmək qəhrəmanlarının büstləri onların doğulduqları bölgələrdə qoyulacaq. Bundan başqa Rusiya prezidenti 1991-ci ildə ləğv elişmiş “Əmək qəhrəmanı” fəxri adını da bərpa edib. Dövlət, ictimai və təsərrüfat sahələrində uğurlar qazanmış ölkə vətəndaşları bu adla təltif olunacaqlar.

Qeyd edək ki, keçmiş SSRİ-də iki dəfə “Sosialist Əməyi Qəhrəmanı” adını almış insanların doğulduqları bölgələrdə onların büstü qoyulurdu.

Paşa ƏMİRCANOV,

“Xalq qəzeti”