“Xalq qəzeti” Frans Press agentliyinə istinadən xəbər verir ki,  Yunanıstanın paytaxtı Afinada irqçiliyə qarşı etiraz aksiyası keçirilib. Şəhərin mərkəzindən parlamentin  binasına doğru yürüş edən nümayişçilər  pakistanlı mühacirin bıçaqlanaraq öldürülməsinə sərt şəkildə etirazlarını bildiriblər.

Qeyd edək ki, Pakistandan olan 27 yaşlı mühacir işə gedərkən  naməlum şəxslər tərəfindən öldürülüb. Yunanıstanın hüquq-mühafizə orqanları isə qətli törətməkdə şübhəli bilinən iki nəfərin artıq həbs olunduğunu bildirilib.

Etiraz aksiyasında 5 mindən çox insan iştirak edib.