Yaponiyanın Honsü adasının şimal-şərqində 5,4 bal gücündə zəlzələ baş verib. Yeraltı təkanlar 2011-ci ildə atom qəzasının baş verdiyi “Fukusima-1” atom elektrik stansiyasında da hiss olunub. Yaponiya Meteorologiya Agentliyinin məlumatına əsasən, zəlzələnin episentri Fukuşima prefekturasının sahillərində, ocağı isə 20 kilometr dərinlikdə yerləşib.

Zəlzələ ilə bağlı sunami təhlükəsi elan edilməyib. Dağıntılar və zərərçəkənlər barədə məlumat verilmir.

Məlumatı “Jiji press” yayıb.

Hazırladı: 

Elçin ABBASOV,

“Xalq qəzeti”