Aİ-95 benzininin ən ucuz və ən baha olduğu ölkələrin siyahısı tərtib edilib.

 

“Bloomberg” agentliyinin hazırladığı reytinq cədvəlinə əsasən, dünyada ən ucuz benzinin Venesuelada satıldığı bəlli olub. Belə ki, burada 1 litr Aİ-95-in dəyərinin 0,01 dollar olduğu müəyyən edilib. Növbəti yerlərdə müvafiq olaraq, İran (0,28 dollar) və Küveyt (0,35 dollar) qərarlaşıb.

Reytinq cədvəlində ilk onluqda Nigeriya (0,41 dollar), Misir (0,43 dollar), Səudiyyə Ərəbistanı (0,54 dollar), Malayziya (0,54 dollar), İndoneziya (0,67 dollar), BƏƏ (0,68 dollar), Rusiya (0,72 dollar) yer alıblar.

Honkonq (2,09 dollar) ən bahalı benzinin satıldığı yerlər siyahısında ilk pillədə göstərilib. Həmçinin Norveç (2,02 dollar), Niderland (1,93 dollar), Yunanıstan (1,91 dollar), İtaliya (1,91 dollar), Danimarka (1,90 dollar), İsrail (1,86 dollar), Portuqaliya (1,83 dollar), Finlandiya (1,79 dollar), Fransa (1,78 dollar) ilk onluqda qərarlaşıblar.

Qeyd edək ki, reytinq cədvəlində Qafqazdan heç bir ölkənin adı yer almayıb. 

Rövşən ATAKİŞİYEV, 

“Xalq qəzeti”