ABŞ Müdafiə Nazirliyi hərbi məqsədlər üçün süni intellekt mərkəzi yaradır. 2016-cı ildən nəzərdən keçirilən ideya artıq reallığa çevrilir. Bu barədə “Webtekno.com” saytı xəbər verib.

 

Məlumata görə, Birləşmiş Süni İntellekt Mərkəzində süni zəka texnologiyaları ilə əlaqədar 600-ə yaxın layihənin həyata keçirilməsi planlaşdırılır. Bununla bağlı rəsmi Pentaqon ABŞ Konqresinə 1,7 milyard dollar məbləğində pul vəsaiti üçün müraciət edib. 

Mərkəzin təsis edilməsi üçün təşkil olunan konfransda ABŞ müdafiə naziri Cim Mettis bildirib ki, süni intellekt sahəsində tədqiqatlar gələcəkdə hərbi əməliyyatların aparılmasını dəyişəcəkdir. Mərkəz hərbçilərin operativ işə və döyüş üsullarına tez inteqrasiyasına imkan yaradacaq.

Əfsanə ƏHƏDLİ,

“Xalq qəzeti”