“Euronews”un məlumatına görə, 2018-ci ilin birinci yarısında qeyri-qanuni yollarla Almaniya ərazisinə keçmək cəhdlərinin ümumi sayı ötən ilin müvafiq dövrü ilə müqayisədə 14 faiz azalıb. Lakin buna baxmayaraq miqrantların qeyri-qanuni yolla Almaniya və Çexiyaya keçmək cəhdləri davam edir.

Mənbə qeyd edir ki, cari ilin yanvar-iyun ayları ərzində AFR ərazisinə qeyri-leqal şəkildə gəlib çıxmış 21 min 435 miqrant alman polisi tərəfindən aşkar edilib.

Çexiya-Almaniya sərhədi üçün bu göstərici əvvəlki səviyyədə qalır: cari ilin ilk altı ayı ərzində Çexiya ərazisindən 2 min 228 dəfə qeyri-leqal şəkildə sərhədi keçmək cəhdi qeydə alınıb. 2017-ci ilin birinci yarısında bu göstərici 1868 olub.

Elçin ABBASOV,

“Xalq qəzeti”