İnternetdə ən bahalı haker xidməti bankomatlar üçün yaradılmış zərərli proqram təminatlarıdır. İnformasiya təhlükəsizliyi sahəsində ixtisaslaşan “Positive Technologies” şirkətinin mütəxəssisləri bu nəticəyə gəliblər. Xəbəri “Webtekno.com” saytı verib.

 

Məlumata görə, mütəxəssislər internet platformalarında satılan müxtəlif xidmətlərin minimal və orta dəyərini qiymətləndiriblər. Belə qənaətə gəliblər ki, ən bahalı kiberməhsul bankomatlara məntiqi hücumların həyata keçirilməsi üçün yaradılan zərərli proqram təminatıdır. Bu sinfə aid hazır zərərli proqram təminatının qiyməti 1500 dollardan başlayır.

 Mütəxəssilər qeyd edirlər ki, internetdə sifarişlərin əksəriyyəti saytlarda boşluqların axtarışına (36 faiz) və elektron poçt parollarının ələ keçirilməsinə (32 faiz) aiddir. 

Əfsanə ƏHƏDLİ, 

“Xalq qəzeti”