“Reuters” agentliyinin məlumatına görə, Koreya Xalq Demokratik Respublikası (KXDR) 1950-1953-cü illər Koreya müharibəsində həlak olan amerikalı əsgərlərin cəsədlərinin qalıqlarını ABŞ-a qaytarıb.

 

Bildirilir ki, əsgərlərin nəşi Şimali Koreyanın Vonsan şəhərindəki hava limanında ABŞ hərbi hava qüvvələrinin təyyarəsinə yüklənib. Təyyarə cəsəd qalıqlarını ABŞ-ın Cənubi Koreyadakı Osan hərbi bazasına gətirib. Məlumata görə, qalıqlar avqustun 1-də buradan rəsmi mərasimlə ABŞ-a göndəriləcək.

Qaytarılan cəsəd qalıqlarının sayı barədə rəsmi məlumat olmasa da, Cənubi Koreya mətbuatı 55 cəsədin qalıqlarının qaytarıldığını yazır.

 

Rövşən ATAKİŞİYEV, 

“Xalq qəzeti”