İranda növbəti zəlzələ ölkənin cənub-şərqində Kirmanşah ostanında baş verib.

Bu barədə Tehran Universitetinin Geofizika İnstitutunun seysmoloji mərkəzi məlumat yayıb. Strateq.az saytı xəbər verir ki, 5,8 bal gücündə zəlzələnin ocağı 10 kilometr dərinlikdə olub. Tələfat və dağıntı barədə məlumat yoxdur.

Xatırladaq ki, iyulun 22-də İranda üç dəfə zəlzələ baş verib. Onlardan ən güclüsünün maqnitudu 5,9 bal olub. Kirmanşah ostanında baş verən bu zəlzələ, demək olar, ölkənin hər yerində hiss edilib. Nəticədə 287 nəfər xəsarət alıb, 101 bina tamamilə, 850 bina qismən dağılıb. Bölgəyə 15 xilasetmə qrup göndərilib. Habelə İranın cənubunda Hörmüzgan ostanında 4,6 və 5,4 bal gücündə zəlzələ olub.

Z. BƏŞİRQIZI,
“Xalq qəzeti”