BBC-nin məlumatına görə, Birləşmiş Ştatlar Prezidenti Donald Trampla Rusiya Federasiyasının lideri Vladimir Putin arasında payızda planlaşdırılan sammit təhlükəsizlik məsələləri barədə olacaq. Ağ evin bəyanatından sonra rəsmi Moskva liderlər arasında ikinci görüşə hazır olduğuna işarə edib.

 

Yeri gəlmişkən Prezident Donald Trampın rusiyalı həmkarı ilə birinci görüşü hələ də ABŞ ictimaiyyətində tənqid obyekti olaraq qalır. Ağ ev rəsmisi bəyan edib ki, növbəti Tramp-Putin sammiti təhlükəsizlik, ələlxüsus Rusiyanın seçkilərə müdaxiləsinə həsr olunacaq. Lakin mənbə Rusiyanın seçkilərə müdaxiləsi deyəndə nəyi nəzərdə tutduğuna aydınlıq gətirməyib.

Adının çəkilməsini istəməyən Ağ ev rəsmisi görüşdə habelə Şimali Koreya, İran və Suriya məsələlərinin də müzakirə olunacağını bildirib. 

Qeyd edək ki, Helsinki sammitində Rusiyanın ABŞ-da ­prezident seçkilərinə müdaxilə etməsi fikrini dəstəkləmədiyinə görə Tramp ölkə daxilində sərt tənqidlərə məruz qalıb.

Rövşən ATAKİŞİYEV, 

“Xalq qəzeti”