Vətənlərinə qayıtmış Suriya qaçqınları işsiz qalmayıblar. Ölkənin enerji sistemini bərpa etmək üçün genişmiqyaslı işlər görülür. Suriyaya tətbiq edilmiş sanksiyalara görə, digər ölkələrdən avadanlıq almaq çətinləşib. Suriyaya yalnız Çin, Misir və Rusiya kömək edir. 

 

Suriyanın kabel zavodunda ayda 250 ton kabel istehsal edilir. Bu rəqəmi 1000 tona çatdırmaq qərara alınıb. Transformator zavodunda isə hər ay 500 transformator istehsal edilir.

Hazırda Suriyada energetiklərə və inşaatçılara böyük ehtiyac var. Energetiklərdən ibarət mobil briqada Şərqi Qutada elektrik şəbəkəsini bərpa edib. İnşaatçılar və energetiklər ölkəni yenidən qurmaq üçün 40 dərəcə istidə istirahətsiz hər gün 10-12 saat işləyirlər. Paytaxt Dəməşqdə də quruculuq işləri böyük miqyas alıb.

 

Qəzənfər QASIMOV,

“Xalq qəzeti”