science.gov.az saytından aldığımız məlumata görə, AMEA Botanika İnstitutu ilə İtaliya Milli Tədqiqat Şurasının (İMTŞ) Florensiya bölməsinin Davamlı Bitki Mühafizə İnstitutu (DBMİ) arasında qarşılıqlı əməkdaşlığa dair müqavilə imzalanıb.

Sənədi Botanika İnstitutunun direktoru, akademik Validə Əlizadə və DBMİ-nin direktoru, prof. Cian Paola Akkotto imzalayıblar.

Müqaviləyə əsasən, tərəflər arasında ekofiziologiya, bitki mühafizəsi üzrə birgə tədqiqatlar, kadr və təcrübə mübadiləsi, müştərək layihələrin və ekspedisiyaların təşkili, toxum və herbari materiallarının mübadiləsi nəzərdə tutulur.

İsaq Əmənullayev,
“Xalq qəzeti”