ABŞ-ın Ayova ştatında güclü tornado baş verib. Təbii fəlakət dağıntılara, insanların xəsarət almasına səbəb olub.

 

Yerli “De Moines Register” nəşrinin yazdığına görə, tornado nəticəsində Pella şəhərindəki  müəssisəyə ciddi ziyan dəyib, işçilər xəsarət alıblar. Xəsarət alanlar xəstəxanalara yerləşdirilib.

Təbii fəlakət nəticəsində Marşalltaun şəhərində yaşayış evi dağılıb. Sakinlər təcili evakuasiya ediliblər. Bundan əlavə, şəhər xəstəxayalarının birinə də ciddi ziyan dəyib. Həkimlər və xəstələr başqa tibb müəssisəsinə köçürülüblər.  Şəhər məhkəməsinin köhnə  binasının üstü də dağılıb.

Bundurant şəhərində isə qaz sızması baş verdiyindən şəhərə heç kəs buraxılmır və elektrik enerjisinin verilişi dayandırılıb.

Qəzənfər QASIMOV, 

“Xalq qəzeti”