İngiltərənin “PwC” tədqiqat şirkəti süni zəkanın cəmiyyətə təsiri ilə bağlı proqnoz verib. Tədqiqatçılar süni zəkanın iş yerlərinin sayını azaltsa da, yeni iş yerlərinin açılmasına şərait yaradacağını güman edirlər. Bu barədə “Webtekno.com” saytı xəbər verib.

 

Məlumata görə, süni zəkaya malik robotlar daha çox elm, təhsil, informasiya texnologiyaları və texniki sahələrdə tətbiq ediləcək. Məsələn, tibb işçilərinin 12 faizi robotlarla əvəzlənəcək, lakin tibb sektorunda yeni iş yerlərinin sayı ümumilikdə 34 faiz təşkil edəcək. Ekspertlərin fikrincə, süni intellektin maliyyə sektorunda, pərakəndə satış, tikinti, dövlət idarəçiliyi və digər sahələrdə iş yerlərinin azalmasına təsiri nisbətən zəif olacaq. 

Əfsanə ƏHƏDLİ, 

“Xalq qəzeti”