“Milli iqtisadiyyat perspektivi üzrə Strateji Yol Xəritəsi” üzrə ümumi icra səviyyəsi 92 faizdir. Xəritənin 2017-ci il üzrə nəzərdə tutulan hissəsinin 86 faizinin icrası tamamlanıb.

Yol Xəritəsinə əsaslanılmaqla dövlət əmlakının özəlləşdirilməsi prosesi də sürətləndirilərək 40-a yaxın müəssisə və obyektin özəlləşdirilməsi barədə qərar qəbul edilib və onlardan 13-ü özəlləşdirilib. Özəlləşdirilməyə açıq elan edilmiş müəssisə və obyektlərə dair vahid məlumat bazası, “Özəlləşdirmə portalı” və 2018-ci il üzrə “Özəlləşdirmə gündəliyi” hazırlanıb.

Nüfuzlu beynəlxalq məsləhətçi şirkətlər cəlb etməklə, əsasən prioritet sektorları əhatə edən müəssisələrin qiymətləndirilməsi aparılıb və potensial inkişaf istiqamətləri təhlil edilib. 

Vaqif BAYRAMOV,
“Xalq qəzeti”