TASS informasiya agentliyinin məlumatına görə, Suriya ordusu ölkənin cənubundakı Dera əyalətində əməliyyatları davam etdirir. Bildirilir ki, Suriya Hərbi Hava Qüvvələrinin Nəva şəhərinə endirdiyi intensiv hava zərbələri nəticəsində onlarla mülki şəxs həlak olub və yaralanıb. Suriyada İnsan Haqlarının Müşahidəsi qrupunun məlumatına görə, şəhərdəki xəstəxanaya da ciddi ziyan dəyib və xəsarət alanlara tibbi yardımın göstərilməsi çətinləşib. Tələfatın artacağı istisna olunmur.  Qeyd edilir ki, 100 mindən çox insanın yaşadığı Nəva Dera əyalətində üsyançı qruplaşmaların nəzarətində qalan ən böyük şəhərdir.  Suriya ordusu bir müddət əvvəl əyalətin inzibati mərkəzi Dera şəhərini silahlılardan təmizləmişdi. 

Elçin ABBASOV,
“Xalq qəzeti”