“Euronews” agentliyinin yaydığı məlumata görə, Britaniya Parlamenti “Breksit”dən sonrakı ticarət əlaqələri ilə bağlı qanun layihəsinə düzəlişi qəbul etməyib. İcmalar Palatasının 307 üzvü Britaniyanın gömrük birliyində saxlanılmasını nəzərdə tutan düzəlişin əleyhinə, 301 üzvü lehinə səs verib. Təklif olunan düzəlişin qəbul olunması gömrük birliyindən çıxmaq niyyətində olan hökumət üçün siyasi təhlükə törədə bilərdi. Britaniyanın Avropa İttifaqı ilə ticarət əlaqələrinin nizamlanmasını nəzərdə tutan qanun layihəsi üçüncü oxunuşda qəbul olunaraq baxılması üçün Lordlar Palatasına göndərilib.

Elçin ABBASOV,
“Xalq qəzeti”