“Blancco” tədqiqat şirkətinin mütəxəssisləri bu ilin ən problemli smartfon modellərini təyin ediblər. “Samsung” şirkətinin cihazları bütün istehsalçılar arasında ən yüksək imtina göstəricisinə (27,4 faiz) sahib olublar. Bu barədə “Webtekno.com” saytı xəbər verib.

 

Məlumata görə, iOS cihazlarının 15,2 faizi bu ilin birinci rübündə problemlərlə qarşılaşıblar. Həmin cihazlar arasında ən problemliləri “iPhone 6” və “iPhone 6s” modelləri olub. Bu modellərin sensorlu ekranları birdən-birə sıradan çıxıb və ya ekranların üzərlərində qara zolaqlar əmələ gəlib. Bu isə istifadəçilərdə iOS modelləri üçün mənfi fikirlər oyadıb.

 Bundan başqa, imtina edilən smartfon göstəricilərində “Samsung” şirkətindən sonra “Xiaomi” (14,2 faiz), daha sonra isə “Motorola” (9,6 faiz) şirkətləri gəlir. 

 

Əfsanə ƏHƏDLİ,

“Xalq qəzeti”