Yanvar-iyun ayları ərzində ölkədə fəaliyyət göstərən 21 sığorta şirkəti tərəfindən 396,37 milyon manat məbləğində sığorta haqları toplanıb, 119,3 milyon manat məbləğində sığorta ödənişi həyata keçirilib.

Maliyyə Bazarlarına Nəzarət Palatasının mətbuat xidmətindən bildiriblər ki, könüllü sığorta bazarı üzrə haqlar 286,84 milyon manat, ödənişlər isə 87,11 milyon manat təşkil edib. İcbari sığorta bazarı üzrə haqlar 109,53 milyon manat, ödənişlər isə 32,19 milyon manat olub.

2018-ci ilin yanvar-iyun ayları ərzində sektor üzrə məcmu sığorta haqlarının 72 faizi könüllü, 28 faizi isə icbari sığorta növlərinin payına düşüb. Sığorta ödənişlərinin 73 faizi könüllü, 27 faizi isə icbari sığorta növləri hesabına formalaşıb.

Vaqif BAYRAMOV,

“Xalq qəzeti”