Milli.Az xezerxeber.az-a istinadən bildirir ki, Xaçmaz rayonunun Alıcqışlaq kəndində yaşayan Ədalət Elman 30 ilə yaxındır ki, çay daşları üzərində oyma sənəti ilə məşğuldur. Bu işə həvəsi kiçik yaşlarında ilk dəfə Qobustan qayaüstü rəsmlərini görəndə yaranıb. Bundan sonra qaya üzərində cızma üsulu ilə həkk olunan təsvirləri çay daşları üzərinə köçürməyə başlayıb.

Deyilənlərə görə, çay daşının kəsmə daşdan, qranitdən, mərmərdən əsas fərqi ondadır ki, çay daşı qəlpə verir. Çay daşının üstündə işləmək çox çətin olduğunu bildirən mahir sənətkar xırda bir səhv, əsərin korlanmasına gətirib çıxara biləcəyini bildirib.

Azərbaycan Dövlət Rəssamlıq Akademiyasının rəssam-qrafika ixtisasını bitirən Ədalət Elman 1996-cı ildən başlayaraq respublikada keçirilən müxtəlif səviyyəli sərgilərdə fəallıq göstərib.  O, 2007-ci ildə Moldovada sərgidə iştirak edib.

İ.Əmənullayev

“Xalq qəzeti”