Hörmətli İlham Heydər oğlu!
İcazə verin Sizi əlli illik yubileyiniz münasibətilə ürəkdən təbrik edim.
Əsası ümummilli lider Heydər Əliyev tərəfindən qoyulmuş ardıcıl fəaliyyət xətti və Sizin məqsədyönlü, qurucu siyasətiniz sayəsində dövlət müstəqilliyinin möhkəmləndirilməsi, Azərbaycan xalqının rifahının artırılması, ölkənin beynəlxalq nüfuzunun yüksəldilməsi yolunda həqiqətən genişmiqyaslı sıçrayış etmiş qardaş Azərbaycanın uğurlarına Özbəkistanda ürəkdən sevinirlər.
Əminəm ki, çoxillik möhkəm dostluq, etimad və qarşılıqlı faydalı əməkdaşlıq telləri Sizin şəxsən iştirakınız və birgə səylərimiz hesabına bundan sonra da uğurla inkişaf edəcək, Özbəkistan və Azərbaycan xalqlarının rifahı naminə yeni məzmun qazanacaqdır.
Hörmətli İlham Heydər oğlu, bu xoş fürsətdən istifadə edərək Sizə möhkəm cansağlığı, ailə səadəti və ali dövləti fəaliyyətinizdə böyük uğurlar, dost Azərbaycan xalqına isə tərəqqi və firavanlıq arzu etmək istəyirəm.

Dərin hörmətlə,
İslam KƏRİMOV Özbəkistan Respublikasının Prezidenti