Azərbaycan Respublikası Mərkəzi Seçki Komissiyasının Qərarı

2013-cü il oktyabrın 9-na təyin edilmiş Azərbaycan Respublikası Prezidentinin seçkilərində Azərbaycan Respublikasının prezidentliyinə namizəd irəli sürmüş Azərbaycan Demokrat Partiyasının Ali Şurası (Məclisi) 2013-cü il 28 avqust tarixli 2 və 3 saylı qərarları ilə səlahiyyətli nümayəndələr və maliyyə məsələləri üzrə səlahiyyətli nümayəndə təyin etmiş və həmin şəxslərin qeydə alınması üçün müvafiq sənədləri Azərbaycan Respublikasının Mərkəzi Seçki Komissiyasına təqdim etmişdir.

Azərbaycan Respublikasının Mərkəzi Seçki Komissiyası bununla əlaqədar qanunvericilikdə nəzərdə tutulmuş müddətdə və qaydada müvafiq araşdırma aparıb həmin şəxslərin qeydə alınması üçün əsasların olmasını müəyyən etmişdir.

Yuxarıda qeyd edilənləri əsas götürərək Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4, 19.14, 28.2, 28.4 və 52-ci maddələrinə əsasən qərara alır:

1. 2013-cü il oktyabrın 9-na təyin edilmiş Azərbaycan Respublikası Prezidentinin seçkilərində aşağıdakı şəxslər Azərbaycan Demokrat Partiyasının səlahiyyətli və maliyyə məsələləri üzrə səlahiyyətli nümayəndəsi kimi qeydə alınsınlar:

1.1. Səlahiyyətli nümayəndələr:

- Taliyət Məhəmməd oğlu Əliyev

- Daşqın Ağarza oğlu Nuriyev

- Rəşid Mirəjdər oğlu Mənsurov

- Kamil Dədəqardaş oğlu İsayev

1.2. maliyyə məsələləri üzrə səlahiyyətli nümayəndə:

- Vaqif İsa oğlu Şirinov

2. Qərar dərc edildiyi gündən qüvvəyə minir.

Sədr       Məzahir PƏNAHOV,

Müavin       Natiq MƏMMƏDOV,

Katib        Arifə MUXTAROVA,

Üzvlər               Şaitdin ƏLİYEV,

Fuad CAVADOV, Ramiz İBRAHİMOV,

Validə KAZIMOVA, Qabil ORUCOV,

İlham MƏMMƏDOV, Nizami NADİROV,

Azər TAĞIYEV, Tamam CƏFƏROVA,

Bəxşeyiş ƏSGƏROV, Almas QƏHRAMANLI,

Akif QURBANOV, Etibar QULİYEV