Azərbaycan Musiqi Mədəniyyəti Dövlət Muzeyində Xocalı soyqırımının 26-cı ildönümünə həsr olunmuş anım tədbiri keçirilmişdir.

Giriş sözü ilə muzeyin direktoru, sənətşünaslıq üzrə fəlsəfə doktoru, əməkdar mədəniyyət işçisi Alla Bayramova çıxış etmişdir. Xocalı soyqırımı qurbanlarının xatirəsi bir dəqiqəlik sükütla yad edilmişdir. Muzeyin şöbə müdiri Xanım Abdinovanın “Xocalı soyqırımı qan yaddaşımızdır”, elmi işçi Əzirə Abdullayevanın “Xocalı faciəsi bəstəkarların yaradıclığında” mövzularında məruzələri  dinlənilmişdir.

Bəstəkar Azad Zahidin “Xocalı  yol gözləyir” rekviyem kompozisiyası nümayiş olunmuşdur.

Tədbirdə muzeydə istehsalat təcrübəsi keçən Qərbi Kaspi Universitetinin tələbələri iştirak etmişlər.

M.MÜKƏRRƏMOĞLU,
 “Xalq qəzeti”