“Atletiko Madrid” komandasının oyunçuları “Osasun” və “Real Madrid” kollektivləri ilə keçirəcəkləri görüşlərdə Xocalı faciəsinin ildönümü ilə əlaqədar qara bilərzik və yaxalarına matəm lenti taxacaqlar.

Üzərində ölkəmizin adı yazılmış köynəklər geyəcək futbolçular bu yolla Azərbaycan xalının ağrısına şərik olmaq niyyətindədirlər.

Komandanın Türkiyədən olan legioneri Arda Turan və daha bir neçə oyunçusu Xocalı soyqırımını pisləyən və dünyada sülhü dəstəkləyən videoroliklər də hazırlamışlar. Həmin videoroliklər klubun saytında yerləşdiriləcəkdir.

Aygün ƏLİYEVA

AzərTAc-ın xüsusi müxbiri

Madrid