“Şimal-Cənub dəhlizi Hindistanı İran limanları, Rusiya  və Şimali Avropa ölkələri  ilə birləşdirəcək”.

 APA-nın xəbərinə görə, bunu Hindistanın Azərbaycandakı səfiri Sanjay Rana deyib.

 “Azərbaycan və Hindistan arasında birbaşa əlaqələri gücləndirmək baxımından Şimal-Cənub dəhlizi əhəmiyyətlidir. Azərbaycan hökuməti ilə danışıqlar aparırıq. Azərbaycan hökumətinin də bu istiqamətdə gördüyü işlərdən məlumatımız var və yüksək qiymətləndiririk. Ümid edirəm ki, yaxın zamanlarda bu dəhliz vasitəsilə iki ölkə arasında yükdaşımalar asanlaşacaq”, - deyə o, bildirib.