“NATO Dağlıq Qarabağ münaqişəsinin həlli istiqamətində yeni müsbət addım görəcəyinə ümid edir”.

APA-nın “İnterfaks”a istinadən verdiyi məlumata görə, bunu Ermənistanda səfərdə olan NATO baş katibinin müavini Ruz Qottemüller İrəvan Dövlət Universitetinin tələbə və müəllim heyəti ilə görüşü zamanı deyib.

O bildirib ki, bu münaqişənin həlli bütün regiona təsir edəcək.

NATO rəsmisi Azərbaycan və Ermənistan xarici işlər nazirlərinin son görüşünü də müsbət qiymətləndirib: “Biz irəli sürülmüş diplomatik səylərdən məmnunuq və ümid edirik ki, tezliklə bu səylər nəticə verəcək”.