“Azərbaycanda şopinq festivalın keçirilməsi qeyri-neft sektorunun inkişafını göstərir. Xüsusilə ölkəyə turist axını baxımından əlverişli layihədir”.

Hindistanın Azərbaycandakı səfiri Sancay Ranan bakushopfest.com saytına açıqlama verib.

Səfirin sözlərinə görə, belə festivalı təşkil etmək ilk növbədə böyük iqtisadi potensial tələb edir.

“Şopinq Festivalın əhəmiyyəti həm də ondadır ki, bu, ölkənin istehsal sahəsinin şaxələndirilməsinə zəmin yaradır. Azərbaycan hökuməti artıq ikinci dəfədir ki, şopinq festival keçirir. Və nəticədə ölkəyə turist axını müşahidə olunur. Hindistandan gələn turistlər də Bakı Şopinq Festivalına maraqla yanaşırlar. Məlum olduğu kimi, Bakıda böyük Hindistan sərgisi təşkil olundu. Bu sərginin iştirakçıları da festivalın əlverişli imkanlarından yararlandılar”, – deyə səfir bildirib.