Azərbaycan Tibb Universitetinin (ATU) Tədris Terapevtik Klinikasında fəaliyyət göstərən Tibbi Ekspertiza Komissiyasının növbəti genişləndirilmiş iclası olub.

Komissiyanın sədri, birinci daxili xəstəliklər və reanimatologiya kafedrasının müdiri, professor İsfəndiyar İsmayılov  çıxış  edərək komissiyanın işinin əsas prinsipləri  barədə iştirakçılara məlumat verib. Professor  komissiyanın işlərinin yüksək səviyyədə  qurulduğunu diqqətə çatdırıb. O deyib: ”Əsas məqsədimiz müalicə işllərini müasir  səviyyədə qurmaq, diaqnozların vaxtında və düzgün qoyulmasıdır”.

Məlumat üçün bildirək ki, komissiyanın katibi birinci daxili xəstəliklər və reanimotologiya  kafedrasının dosenti Türkan Kərimovadır.

İclasın davamında bir neçə xəstənin klinik təhlili aparılıb.

Komissiya  üzvlərinin də iştirakı ilə aparılan təhlillərdə professorlar, şöbə müdirləri və rezidentlər itirak ediblər.

ATU-nn mətbuat xidmətindən bildiriblər ki,  ki, Tibbi Ekspert Komissiyasının üzvləri, professorlar Yaqub Qurbanov və Zakir Əliyev, uşaq kardio-revmatologiya şöbəsinin müdiri Ələkbər Həsənov, kardioloq Fuad Səmədov, və hemotologiya  şöbəsinin müdiri Valeh Hüseynovdur.

Zərifə BƏŞİRQIZI,
“Xalq qəzeti”