Azərbaycan Ürək və Damar Cərrahiyyəsi Cəmiyyətinin təşəbbüsü ilə ölkəmizdə ilk dəfə olaraq Dünya Ürək Günü geniş səviyyədə qeyd edilir. Bu münasibətlə cəmiyyət tərəfindən silsilə tədbirlər həyata keçirilir.
Sentyabrın 23-də paytaxtın Nəsimi rayonunda yerləşən 1 nömrəli körpə uşaq evində 44 uşaq kardioloji müayinədən keçirilmişdir.
Müayinə zamanı əsasən exokardioqrafiya müasir ultrasəs aparatından istifadə edilmişdir.
Mərkəzi Klinik Xəstəxananın baş həkimi, Azərbaycan Ürək və Damar Cərrahiyyəsi Cəmiyyətinin sədri, tibb elmləri namizədi Kamran Musayev uşaqların sağlamlığının normal olduğunu bildirmişdir.
Bu uşaq evində yeni doğulmuş və 3 yaşadək 47 körpə uşaq yaşayır.
AzərTAc