Səhiyyə naziri Oqtay Şirəliyev jurnalistlərə açıqlamasında demişdir ki, Prezident İlham Əliyevin tapşırığına uyğun olaraq təbii fəlakət bölgəsində əhalinin sağlamlığının mühafizəsi məqsədi ilə nazirlik tərəfindən xüsusi proqram hazırlanmışdır.
Həmin proqrama əsasən, çadır şəhərciklərində ardıcıl olaraq dezinfeksiya işləri aparılır, əhali müayinə edilir. Bütün diqqət ona yönəldilmişdir ki, çadırlara köçürülmüş əhalinin sağlamlığı mühafizə edilsin. Şükür olsun ki, ciddi bir şey baş verməmişdir. Əhali sağlamdır, yoluxucu xəstəliklər yoxdur.
AzərTAc