Narkotiklərə Qarşı Milli Təbliğat Ofisinin  müdir müavini Leyla Yolçiyeva Movqe.az-a açıqlamasında söyləyib ki, Səhiyyə Nazirliyindən alınmış  məlumalara əsasən, ötən il ölkədə 2115 nəfər yeni narkoman qeydiyyata alınıb. Beləliklə, narkotik maddə istifadəçilərinin ümumi sayı 30131 nəfərə çatıb.

QHT təmsilçisi bu statistikanı açıqlayaraq bildirib: “Narkomanlardan 25139-u dispanser, 4992-si profilaktik, 1031-i anonim qeydiyyatda olanlardır. İstifadəçilərin yaş həddinə nəzər salsaq, 5 nəfər 18 yaşına qədər gənclərdir. Qadınların sayı isə 595 nəfərdir. Onlardan 470 nəfəri iynə narkotik istifadəçiləridir. Ümumilikdə, ölkədə iynə narkotik istifadəçiləri çoxluq təşkil edir. Belə zərərli vərdiş sahiblərinin sayı 21038 nəfərdir”. 

Hazırladı:
R.TAHİR,
"Xalq qəzeti"