Rayon icra hakimiyyətinin başçısı Məhərrəm Quliyev əhalinin pulsuz tibbi müayinəsi başladığı gündən indiyədək bir neçə dəfə səhiyyə müəssisələrində olub, sakinlərlə görüşüb. Məqsəd ölkə rəhbərliyinin tapşırığına uyğun olaraq, bu il də əhalinin pulsuz tibbi müayinədən keçirilməsinin təşkilini yerlərdə bir daha yoxlamaq, adamların rəy və təkliflərini öyrənmək olub. Növbəti belə bir görüş rayon mərkəzi xəstəxanasında baş tutub. Rayon rəhbəri xidmətin vəziyyəti ilə yaxından tanış olub, müayinədən keçən sakinlərlə söhbət edib. Məhərrəm Quliyevlə  ünsiyyətdə olan sakinlər onlar üçün yaradılan şəraiti yüksək qiymətləndirib və buna görə dərin minnətdarlıqlarını bildiriblər.         

Qeyd edək ki, rayon əhalisinin tibbi müayinəsi ilə əlaqədar müvafiq komissiya yaradılmış, kollektivlər və ərazilər nəzərə alınmaqla xüsusi qrafik əsasında əhalinin müayinədən keçirilməsi təşkil edilmişdir. Həkim briqadaları şəhər, qəsəbə və kəndlərdə əhalinin müayinəsini təşkil edir, xəstəlik aşkar olunduqda onlar ambulator və stasionar müalicəyə cəlb olunurlar. Bəzi xəstələr isə ixtisaslaşdırılmış tibb müəssisələrinə göndərilir.

Hamlet Qasımov,
“Xalq qəzeti”nin bölgə müxbiri