Binəqədi rayonunun 246 saylı tam orta məktəbinin şagirdləri fizika aylığı çərçivəsində AMEA-nın Fizika İnstitutunun qonağı olublar.Elm və təhsilin inteqrasiyası çərçivəsində baş tutan görüşdə əsas məqsəd məktəblilərdə elmə marağı artırmaq, onların bilik və bacarıq səviyyəsinin yüksəldilməsini təmin etməkdir.

www.science.gov.az saytı xəbər verir ki, Fizika İnstitutunun alimləri məktəblilərə elmi müəssisənin fəaliyyəti, İnnovasiya sektorunda quraşdırılan müasir avadanlıqlar, laboratoriyalarda yerinə yetirilən elmi-tədqiqat işləri haqqında, həmçinin fizika sahəsində əldə olunan ən son yeniliklər barədə məlumat veriblər.

Görüş ərzində geniş müzakirələr aparılıb və şagirdləri maraqlandıran suallar cavablandırılıb.

Ə.Bayramov,
“Xalq qəzeti”