Son illər Azərbaycan  müxtəlif elm sahələrinə aid beynəlxalq konfranslara  layiqincə ev sahibliyi edir.  Bu il sentyabrın 4-dən 7-dək Bakıda keçiriləcək “Avrasiya CİS-konfrans 2018” cografiyaşünas alimləri bir araya gətirəcək. Bu barədə akademik Ramiz Məmmədovun sədrliyi ilə Azərbaycan Milli Elmlər Akademiyasının (AMEA) akademik Həsən Əliyev adına Coğrafiya İnstitutunda elmi şuranın növbəti iclasında məlumat verilib. Akademik  “Avrasiya CİS-konfrans 2018” haqqında  danışıb.

Konfransı AMEA-nın Coğrafiya İnstitutu  Türkiyənin Səlcuq Universiteti ilə birgə təşkil edəcək.  Tədbirdə  CİS-lə maraqlanan tədqiqatçılar toplaşacaq.  Konfransın əsas  məqsədi elmi, praktik təcrübə mübadiləsini asanlaşdırmaq, həyata keçiriləcək birgə tədqiqatlarda perspektiv yanaşmalar və elmi-mədəni əlaqələrin inkişafına təkan verməkdir.

Ü.VAHİDQIZI,
“Xalq qəzeti”