Azərbaycan Dövlət İqtisad Universiteti (UNEC) ilə Lənkəran Dövlət Universiteti (LDU) arasında əməkdaşlıq haqqında müqavilə imzalanıb. UNEC rektoru, professor Ədalət Muradov və LDU-nun rektoru vəzifəsini icra edən, professor Natiq İbrahimovun imzaladıqları sənədə uyğun olaraq, LDU-da “İqtisadiyyat” və “ Biznesin təşkili və idarə edilməsi” ixtisasları üzrə mütəxəssis hazırlığı birgə aparılacaq.

Əməkdaşlığın əsas məqsədi UNEC-in region universitetləri ilə əlaqələrinin təkmilləşdirilməsi, qarşılıqlı təcrübə mübadiləsinin aparılmasıdır. Müqaviləyə əsasən, hər iki ali təhsil müəssisəsində tədrisin vahid proqram əsasında həyata keçirilməsi, universitetlər arasında müəllim və tələbə mübadiləsinin aparılması, birgə ikili diplom proqramının reallaşdırılması nəzərdə tutulub.

Elnarə Ömərova