Avqustun 20-21-i "Xaricdə Təhsil Alan və Məzun Olmuş Azərbaycanlı Gənclərin VIII Beynəlxalq Forumu" keçiriləcək. Forum Azərbaycan Respublikası Gənclər və İdman Nazirliyinin dəstəyi ilə təşkil ediləcək.
Bu barədə Nazirliyin ictimaiyyətlə əlaqələr bölməsi məlumat yayıb. Forumun məqsədi azərbaycanlı gənclərin xarici ölkələrdə əldə etdikləri təcrübələrlə bölüşmək, ölkəmizin inkişafı üçün birlikdə çalışma əzmlərini inkişaf etdirmək, gənclər arasında canlı ünsiyyət, informasiya mübadiləsini təşkil etməkdir. Forumun birinci günü rəsmi çıxışlar, məruzələr, plenar iclas və müzakirələr nəzərdə tutulur. Tədbirin ikinci günü isə forum iştirakçılarının Azərbaycanın gözəl guşələrindən olan Qəbələyə səyahəti təşkil olunacaq.

Əfsanə BAYRAMQIZI, "Xalq qəzeti"