Azərbaycanda oktyabr-noyabr aylarında doktoranturaya qəbul imtahanları keçiriləcək. Bu barədə Azərbaycan Milli Elmlər Akademiyasının (AMEA) prezidenti Mahmud Kərimov bildirib: "Doktoranturaya qəbul üzrə yeni qaydalar bütün aidiyyəti qurumlarla razılaşdırılıb və ümid edirik, yaxın vaxtlarda onlar qəbul ediləcək". AMEA və Təhsil Nazirliyi tərəfindən hazırlanan doktoranturaya qəbul üzrə yeni qaydalar təsdiq edilmək üçün Nazirlər Kabinetinə təqdim olunub.
Doktoranturaya qəbul üzrə qaydalarda dəyişiklik qəbul zamanı yaş həddinin ləğv olunmasıdır. Bu yeniliyin elmə həvəsi olan gənclərlə yanaşı, digər yaş kateqoriyasından olan insanlarda da stimul yaradacağı gözlənilir. Qeyd edək ki, 2009-cu ildə adıçəkilən təhsil mərhələsinə qəbul aparılmayıb. Azərbaycan parlamenti 2009-cu ilin iyununda "Təhsil haqqında" yeni qanun qəbul edib.

Əfsanə BAYRAMQIZI, "Xalq qəzeti"