Azərbaycan Respublikasının Prezidenti yanında Elmin İnkişafı Fondundan AzərTAc-a bildirmişlər ki, Fond 2010-cu il üçün 1-ci müsabiqəsini (EİF-2010-1) keçirəcəkdir.
Müsabiqədən məqsəd Azərbaycanda təbiət, dəqiq, texniki, humanitar və ictimai elmlər sahəsində dövlət və cəmiyyət üçün əhəmiyyət kəsb edən fundamental, tətbiqi və axtarış-innovasiya xarakterli elmi-tədqiqat proqramları, layihələri və digər elmi tədbirləri dəstəkləməkdir. Müsabiqənin yekunlarına əsasən aktual və müasir elmi problemlərin həlli ilə məşğul olan fiziki şəxslərin, bir elmi mövzu və ya problem ətrafında müvəqqəti yaradılmış yaradıcı kollektivlərin, akademiya və təhsil sistemlərində fəaliyyət göstərən qurumların (dövlət qurumlarının, QHT-lərin və s.) elmi fəaliyyətini stimullaşdırmaq və onlara əlavə yaradıcılıq imkanı yaratmaq məqsədi ilə cari ilin elmi prioritetlərinə uyğun olaraq qrantlar veriləcəkdir.{nl}