Bu ilin sonunadək Azərbaycan Diplomatik Akademiyasının (ADA) nəzdində Enerji və Ətraf Mühit Mərkəzinin yaradılması nəzərdə tutulur.
Xarici işlər nazirinin müavini, ADA-nın rektoru Hafiz Paşayev yeni mərkəzin Dövlət Neft Şirkəti ilə birlikdə yaradılacağını bildirmişdir.
ADA-nın rektoru qeyd etmişdir ki, mərkəzdə enerji sahəsində tədqiqatların aparılması, elmi məqalələrin yazılması, müəyyən nəşrlərin buraxılması planlaşdırılır. O demişdir ki, ümumiyyətlə, ölkədə həyata keçirilən enerji siyasətinə bir dəstək olaraq, bu istiqamətdə ciddi tədqiqatlar aparılmalıdır ki, gələcəkdə həyata keçiriləcək siyasətimizə kömək olsun.

AzərTAc