Azərbaycan Diplomatik Akademiyasında Xarici İşlər Nazirliyinin xətti ilə ölkəmizə tanışlıq üçün Afrikadan gəlmiş bir qrup jurnalistlə görüş keçirilmişdir.
"Qlobal perspektivlər: Azərbaycan və Afrika" mövzusunda keçirilmiş görüşdə akademiyanın rektoru, xarici işlər nazirinin müavini Hafiz Paşayev qonaqlara ölkəmiz barədə məlumat vermişdir. Rektor son illər ölkəmizin siyasi, iqtisadi sahədə əldə etdiyi uğurlardan danışmış, Avropa ilə Asiya arasında körpü rolunu oynayan Azərbaycanın uğurlu enerji siyasətindən söz açmışdır.
Sonra akademiyada təhsil alan afrikalı tələbələr Azərbaycanda onlar üçün yaradılmış şərait barədə məlumat vermişlər.
AzərTAc{nl}