Azərbaycan Turizm və Menecment Universitetində ali təhsil müəssisəsinin Xidmət mühəndisliyi fakültəsinin  sosial iş ixtisası üzrə təhsil alan I, II və III kurs tələbələri üçün nəzərdə tutulan ”Məişət zorakılığı qurbanlarına xidmət göstərən sosial işçilərin təcrübəsinin artırılması məqsədilə maarifləndirmə işinin təşkili” mövzusunda keçirilən ikigünlük təlim başa çatıb.

Qeyd edək ki, təlim Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı, ATMU-nun Xidmət mühəndisliyi fakültəsinin dekanlığı,Beynalxalq münasibətlər kafedrası, o cümlədən “Yeni Həyat” Humanitar və Sosial Dayaq İctimai Birliyinin təşkilatçılığı ilə  keçirilib.

Universitetin müvafiq ixtisasında təhsil alanlar üçün nəzərdə tutulan ”Məişət zorakılığı qurbanlarına xidmət göstərən sosial işçilərin təcrübəsinin artırılması məqsədilə maarifləndirmə işinin təşkili”  mövzusunda iki gün davam edən təlim interaktiv şəkildə təşkil olunub. Sonda təlimdə fəal iştirak edən 60 nəfər tələbəyə sertifikat və xatirə hədiyyələri verilib.

Qeyd etməliyik ki, təlimdə “Yenu həyat” Humanitar və Sosial Dayaq İctimai Birliyinin rəhbəri Nailə İsmayılova, ATMU-nun Xidmət mühəndisliyi fakültəsinin dekanı Sevda Vəzirova, beynəlxalq münasibətlər kafedrasının müdiri Kənan Allahverdiyev, müəllim Ayşəm Balayeva və tələbə kontngenti iştirak edib.

Z.BƏŞİRQIZI,
“Xalq qəzeti”