Çexiya və Rumıniyanın ali təhsil müəllimləri BSU-da

Bakı Slavyan Universitetinin (BSU) rektoru, professor Nurlana Əliyeva  Çexiya Respublikasının Karl Universitetinin professoru İvana Bozdechovanı və  Rumıniyanın Aleksandr İohan Kuzi adına Yassi Univesitetinin təhsil marketinqi tədbirləri və akademik imic şöbəsinin əməkdaşı Alexandru Griqorası qəbul edib. N.Əliyeva qonaqları salamladıqdan sonra onların gəlişinin xoş bir dövrə - Ümummilli Lider Heydər Əliyevin anadan olmasının 95-ci ildönümünə təsadüf etdiyini bildirib. O, bu günlərdə Azərbaycanın hər yerində  möhtəşəm tədbirlərin keçirildiyini, ölkənin hər bir vətəndaşının Ulu Öndərə öz məhəbbətini ifadə etməyə çalışdığını bildirib.

Daha sonra rektor BSU-nun xarici ölkələrin ali məktəbləri ilə əlaqələrinə toxunub. N.Əliyeva qeyd edib ki, universitet hər il bir neçə xarici ölkənin ali təhsil ocağı ilə müqavilə imzalayır. Həmin müqavilələr tələbə-müəllim mübadiləsini, birgə elmi layihələrin həyata keçirilməsini, elmi məcmuə və kitabların hazırlanmasını və s. nəzərdə tutur. O, Rumıniya və Çexiyanın bır sıra ali məktəbləri ilə də BSU-nun sıx dostluq münasibətlərinə malik olduğunu dilə gətirib.

Azərbaycanda olduğunu bildirən rumıniyalı qonaq Alexandru Grigoras üç gün ərzində azərbaycanlılar tərəfindən yüksək qonaqpərvərliklə əhatə olunduğunu deyib. O, BSU-nu beynəlxalq münasibətlərdə çox aktiv olduğunu bildirib və ona universitetdə fəaliyyət göstərən mədəniyyət mərkəzlərinin iş prinsipi ilə yaxından tanış olmaq imkanı yaradıldığına görə rəhbərliyə öz təşəkkürünü bildirib. Alexandru Grigoras sonda  BSU-da Rumıniya Mərkəzinin açılması barədə də öz arzusunu dilə gətirib. 

Daha sonra çıxış edən professor İvana Bozdechova səmimi qəbula görə BSU rəhbərliyinə dərin minnətdarlığını bildirib. O, ölkələrimiz arasında dərin dostluq münasibətlərindən məmnun olduğunu deyib.

Mayın 6-a qədər BSU-da çex dilini tədris edəcəyini bildirən professor öz ölkəsində də gənclərin Azərbaycan mədəniyyətinə, dilinə, xüsusilə də, klassik ədəbiyyatına maraq göstərdiklərini dilə gətirib.

M.MÜKƏRRƏMOĞLU,
“Xalq qəzeti”

 

 


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında